青民倡資助青年“紮”得喜

圖：青年民建聯成員同一班年輕人坐埋紮燈籠

紮作係中國傳統嘅民間手藝，運用少少簡單工具和材料，便可製作出千變萬化的手工藝品，好似中秋燈籠、舞獅龍頭，仲有佛誕廟會，都會用到嘅巨型花牌，都係由紮作師傅一手一腳紮出來。青年民建聯日前就參觀咗一間我國傳統紮作商戶，20幾個年輕人坐埋一齊紮燈籠，見到個個成品似模似樣，大家咪以為好簡單，原來一個燈籠未貼紙都要整成45分鐘，非常之考功夫。

青年民建聯主席顏汶羽話，我國傳統紮作最近獲列為國家級非物質遺產名錄，引起社會關注。事實上，呢啲傳統行業面對傳承困難，因為入行的青年好少，而且因為紮作的需要，需要工作地方面積很大，連老闆都大呻搵唔到人傳承衣缽。顏汶羽話，政府對呢種傳統行業嘅支援一直都好少，佢希望政府成立基金，鼓勵青年學習不同種類的中國傳統手藝，令中國傳統同香港本土文化發揚光大。

（來源：大公網）